# ဝိဉာဉ်
ဖြစ်ရပ်မှန် ( စ / ဆုံး )
စာရေးသူ ** လေသွေးညို
************************
ပဲခူးမြို့စက်မှုဇုံရှိ နိူင်ငံခြားပို့ကုန်ထုတ်လုပ်သောစက်ရုံကြီးတစ်ရုံတွင်
ဒေါ်တင်မေတစ်ယောက်သန့်ရှင်းရေးဝန်ထမ်းအဖြစ်ဝင်ရောက် လုပ်ကိုင်နေသည်မှာ၁၀နှစ်ဝန်းကျင်ပင်ရှိတော့မည်။
ဒေါ်တင်မေက စကားပြောလျှင် ကျယ်ကျယ်လောင်လောင်ပြောဆိုတတ်သော ရိုးသားသည့်ကရင်တိုင်းရင်းသူတစ်ဦးမျှသာ
သူ့တွင်မောင်တိုးဆိုသော သားအငယ်ဆုံးလေးကိုလည်းသူ့အလုပ်ထဲတွင်ထည့်ထားသည်။
တစ်နေ့စာရေးသူက ဒေါ်တင်မေအား
" အဒေါ်ကြီး သားလေးလဲ ၁၈ နှစ်ပြည့်ပြီပဲ ပါမစ်နစ် ဝန်ထမ်းထဲထည့်မလား သူ့ခဗျာရွယ်တူတွေကြားမှာ သန့်ရှင်းရေးဆိုတော့ရှက်ရှာမှာပေါ့ "
" ဝမ်းသာလိုက်တာ ဆရာရယ် ကျွန်မတို့ကိုကူညီပေးပါရှင် "
ဒါနဲ့စာရေးသူလဲ မန်နေဂျာနဲ့တိုင်ပင်ပီး ပါမစ်နစ်ဝန်ထမ်းအဖြစ်ခန့်ပေးထားလိုက်တယ်။ကလေးကအေးဆေးပါတယ် အလုပ်လည်းခိုင်းတဲ့အတိုင်းလုပ်တယ် တစ်ခါတစ်ခါ ငူငူငိုင်ငိုင်နဲ့တော့ဖြစ်တတ်တယ် ထားပါတော့လေ
ဒေါ်တင်မေကသူအလုပ်လုပ်တဲ့နေရာကနေ
နေ့တိုင်းသူ့သားကိုလာချောင်းချောင်းကြည့်တယ်ဗျ အရမ်းချစ်ရှာတာ
ဖုန်းဝယ်ပေးပါဆို ချက်ချင်း Gate pass နဲ့ထွက်ပီးသွားဝယ်ပေးတယ် အဲ့လိုမျိုး
ဒီလိုနဲ့ ဒေါ်တင်မေတစ်ယောက်အလုပ်တွေခဏ ခဏပျက်လာပြီ
ကျန်းမာရေးမကောင်းလို့တဲ့ ဆီးချို သွေးချိုဆိုလားပဲ
29.12.2016 ည ၁း၀၀ ဝန်းကျင် ဒေါ်တင်မေတစ်ယောက်အမောဖောက်လေပြီ သူ့သားငယ်လေးက ယောက္ဖတွေကိုနှိုးပီး သွားခေါ်
ပြန်လာတော့ ဒေါ်တင်မေက သောက်ရေအိုးကြီးကိုဖက်ပြီး
" အမေ့ကိုဆေးခန်းပို့ပေးပါ အမေမနေနိူင်တော့ဘူး သားတို့ရယ် "
" အခုပို့ပေးမယ်အမေ စိတ်မပူနဲ့နော် "
ကားနဲ့တင် အသက်ကယ်ဆေးကိုဆေးခန်းကထိုးပေးလိုက်တယ်
ဆေးရုံသွားကြပါတဲ့
ဆေးရုံကိုလူနာတင်ယာဉ်ခေါ်ပ်ီးအသွား တိုးဂိတ်ကျော်တော့
ဒေါ်တင်မေတစ်ယောက် လောကကြီးကိုနှုတ်ဆက်သွားရှာလေပြီ။
အိမ်ပြန်သယ်လာကြ အသင်းကိုအကြောင်းကြား
အဲ့ကအသင်းမှာက အဲကွန်းခေါင်းမအားလို့ တစ်ခြားမြို့ကအသင်မှာလှမ်းငှားတော့ နယ်ကျော်မို့ ငါးသောင်းခွဲပေးရမယ်တဲ့
လက်ထဲမှာပိုက်ဆံကလဲမရှိ ညတွင်းချင်း ပိုက်ဆံငါးသောင်းသွားချေးရတယ်။
စာရေးသူမနက်အလုပ်ဆင်းတော့ ကောင်လေးတွေရောက်လာပြီး
ခွင့်လာတင်တယ် အမေသေပြီတဲ့
" ဘာလိုသေးလဲ ညီလေး "
" ရတယ်အစ်ကိုကြီး "
ပြန်သွားကြတယ် အလုပ်ထဲရောက်တော့အကျိုးအကြောင်း
ကျွန်တော့ကိုဝိုင်းရှင်းပြကြတော့
" ကဲ ဒါဆိုလဲ ငါတို့ section ကအလှူခံကြကွာ "ဆိုတော့ ၇သောင်းလောက်ရတယ် ဒါနဲ့စက်ရုံအသင်းက ၁သိန်းခွဲ ပေါင်း ၂သိန်း၂သောင်း၊ဒေါ်တင်မေအလုပ်လုပ်တဲ့ sectionက ၄သိန်းကျော် တစ်ခြားတစ်ခြားဝန်ထမ်းတွေစုပေါင်းလိုက်တာ အားလုံးပေါင် ၁၀ သိန်းလောက်ရတယ်
အဆင်ပြေပြီသူ့နာရေးလေး
မြေကျမဲ့နေ့ လုံခြုံရေးခေါင်းဆောင်ရောက်လာပီး
" ကိုလေသွေးညို မန်နေဂျာက ဆရာ့ကို ဒေါ်တင်မေအတွက် အမိန့်ပြန်ပေးပါတဲ့ လစာထုတ်ရက်ဆိုတော့သူမအားလို့ပါတဲ့ "
" အေးလေ သွားရမှာပေါ့ "
" အမိန့်မပြန်လို့မရဘူး ခြောက်တယ်ဆရာ "
" ဟေ ဘယ်မှာခြောက်တာတုန်းဟ "
"
" နေ့လည်ကသူနဲ့ထမင်းစားတဲ့ လုံခြုံရေးကောင်မလေးကို နောက်ကနေ ဇက်ပိုးအုပ်လိုက်တယ်ဗျ လှည့်ကြည့်တော့ဘယ်သူမှမရှိဘူး"
" ပြန်တော့လဲ လုံခြုံရေးခေါင်းဆောင်အမျိုးသမီးကို
သူစနေကြအတိုင်း ဖင်ကိုဆိတ်သွားတယ်ဆရာ "
" ဟုတ်လားဟ ငါသွားလိုက်ပါ့မယ် "
နာရေးအိမ်ရောက် သုဿန်ကိုလိုက်ပို့ ကားပေါ်ကအခေါင်းချတော့
အခေါင်းအဖုံးက ကန်ပီးပွင့်သွားတယ်
အခေါင်းဖုံးလဲဖွင့်ရော တော်တော်ပုတ်နေပြီ အဲကွန်းခေါင်းထဲထည့်ထားတာဘာလို့ပုပ်တာလဲ
" ညက မီးပျက်တော့ အဲကွန်းလဲမလာတော့ဘူးဆရာ
မီးပြန်လာတော့လဲမလုပ်တတ်တာနဲ့ မီးကမဝင်ဘူး "
" အထဲမှာလှောင်သွားတာထင်တယ် "
မထူးပါဘူးလေ
သူကစာမတတ်တော့ ဒီတိုင်းလဲမထည့်ပေးချင်
ဖွင့်ဖောက်ပီး အမိန့်ပြန်ပေးလိုက်တယ်
အဲ့နေ့ညက ဒေါ်တင်မေအလုပ်လုပ်တဲ့section မှာတာဝန်ကျတဲ့အဘကိုတွန်းလှည်းကြီးတွန်းပြတယ်
အဘကစစ်သားလူထွက် မကြောက်ဘူး
" ဟဲ့ မတင်မေ ဒါအလုပ်ချိန်မဟုတ်တော့ဘူး သွားအိမ်ပြန်တော့ဆိုတော့ လှည်းကြီးကရပ်သွားတယ်
ပြဿနာကနောက်နေ့မှာ စတာပဲ
မနက် ၁၀း၀၀ အိမ်သာသန့်ရှင်းရေးလုပ်ချိန်
အရင်က ၃ယောက်လုပ်တယ် အခုတော့ ၂ယောက်ထဲ
အုမ်းးဒုန်းးးးး
ဝုန်းးး
"အမလေးးး "
ကောင်မလေးတွေထွက်ပြေးကြဘီ
ဒေါ်တင်မေကြီးအလုပ်ဝင်နေတာကိုးးးး
မိန်းကလေးအိမ်သာဆိုတော့ မိန်းကလေးအသုံးဆောင်တွေထဲ့ထားတဲ့သံပုံးကိုဘယ်သူမှလက်နဲ့မကိုင်ကြဘူးလေ
ခြေထောက်နဲ့ပဲ ကန်ကြတာ ခုလဲသံပုံးကိုကန်တာလေ
ဒေါ်တင်မေပေါ့ သူကတော့သိမယ်တောင်မထင်ဘူး ခလေးမလေးတွေအလုပ်ထဲက ဘယ်သူမှအိမ်သာမသွားရဲကြတော့ဘူး
ဒါနဲ့စက်တန်း All super က
" ကိုလေသွေးရယ် ကူညီပေးပါ "
" သူ့အိပ်တဲ့ စက္ကူပြားလေးပဲ ဖြစ်ဖြစ် သူ့အိမ်ကိုခေါ်သွားပေးပါနော်
" အမလေးဗျာ "
" အေးအေး ပို့ပေးမယ် "
ခေါ်သွားပေးလိုက်တယ် လိုက်လာ မလာတော့မသိဘူး
နောက်နေ့ရက်လည်ပြီးထဲကအလုပ်ထဲအသံမကြားရတော့ဘူး
ကျွတ်လွတ်သွားပြီထင်ပါရဲ့ဗျာ
© © © © © ပြီးပါပြီ © © © ©
0 comments:
Post a Comment